الفرق بين الجامعة والتكوين... ج1 الجامعة

ﺍﻟﻔﺮﻕ ﺑﻴﻦ : La Fac ﻭ ISTA
ﺍﻟﺠﺰﺀ ﺍﻷﻭﻝ : La fac
ﺍﻟﻤﺮﺟﻮ ﺍﻟﻨﺸﺮ ﻟﺘﻌﻢ ﺍﻟﻔﺎﺋﺪﺓ
_____________
ﻻﻓﺎﻙ ﺑﺎﻟﻨﺴﺒﺔ ﻟﻠﻤﻐﺎﺭﺑﺔ ﻛﺘﺒﻘﻰ ﺁﺧﺮ ﺣﺎﺟﺔ ﺗﻘﺪﺭ ﺗﻜﻤﻞ ﻓﻴﻬﺎ ﻗﺮﺍﻳﺘﻚ ﻣﻦ ﺑﻌﺪ ﺣﻴﺖ ﻣﻜﻴﺒﻘﺎ ﻟﻴﻚ ﻭﺍﻟﻮ ﺑﻌﺪ ﻋﺪﻡ ﺇﺩﺭﺍﺟﻚ ﻓﺎﻟﻤﺪﺍﺭﺱ ﺍﻟﻌﻠﻴﺎ ﻟﻲ ﻛﺘﺒﻘﻰ ﺣﻠﻢ ﺃﻱ ﻃﺎﻟﺐ ﻣﻐﺮﺑﻲ ﻧﻈﺮﺍً ﻟﺠﻮﺩﺓ ﺩﻳﺒﻠﻮﻣﺎﺗﻬﺎ ﺍﻟﻌﺎﻟﻴﺔ ﻭ ﻛﻔﺎﺀﺓ ﻣﺪﺭﺳﻴﻦ ﺩﻳﺎﻟﻬﺎ ﺯﻳﺪ ﻋﻠﻰ ﺫﻟﻚ ﺍﻟﺘﻨﻈﻴﻢ ﺍﻟﻤﺤﻜﻢ ﻟﻲ ﻓﻴﻬﺎ ﻋﻠﻰ ﻏﺮﺍﺭ ﺍﻟﺠﺎﻣﻌﺔ ﻟﻜﻠﻬﺎ ﻣﻬﺰﻟﺔ ﻃﻴﻠﺔ ﺍﻟﺴﻨﺔ .. ﻓﻼﻓﺎﻙ ﻛﺘﻘﺮﺍ ﺑﻨﻈﺎﻡ ﺍﻟﻤﻮﺩﻳﻼﺕ .. ﻛﻴﻔﺎﺵ ﻣﻮﺩﻳﻼﺕ ؟ ﻣﺘﻼ ﺇﻟﻰ ﻛﻨﺘﻲ
PC
ﻭ ﺑﻐﻴﺘﻲ ﺩﻳﺮ
SMPC 
ﻓﻼﻓﺎﻙ ﻳﻌﻨﻲ ﻏﺘﻘﺮﺍ ﻣﺎﻁ ﻭ ﻓﻴﺰﻳﻚ ﻭ ﺷﻴﻤﻲ ﻭ ﻓﺮﻭﻧﺴﻲ ﻏﻴﻜﻮﻧﻮﺍ ﻋﻨﺪﻙ 7 ﻣﻮﺩﻳﻼﺕ ﻓﻜﻞ ﺩﻭﺭﺓ ﻳﻌﻨﻲ ﻏﺘﻘﺮﺍ 14 ﻣﻮﺩﻳﻞ ﻓﺎﻟﻌﺎﻡ ﻓﺤﺎﻝ ﺇﻟﻰ ﻗﻠﺘﻲ ﻣﻮﺩﻳﻞ ﻫﻲ ﺩﺭﺱ ﻋﺎﻡ ﻭ ﻓﻴﻪ ﻛﺎﻳﻨﺔ ﺩﺭﻭﺱ ‏( ﻟﻲ ﺷﺎﺑﻴﻄﺮ ‏) ﻭ ﺧﺎﺳﻚ ﺗﻔﺎﻟﻴﺪﻱ 7 ﻣﻮﺩﻳﻼﺕ ﻓﺎﻟﻌﺎﻡ ﺑﺎﺵ ﺩﻭﺯ ﻟﻠﻌﺎﻡ ﺍﻟﺠﺎﻱ ﻭ ﻟﻴﺒﻘﺎ ﻟﻴﻚ ﻛﻴﺒﻘﺎ ﻛﺮﻳﺪﻱ ﻋﻠﻴﻚ ﺣﺘﻰ ﺗﺮﺩﻭ ﻭ ﺧﺴﻚ ﺗﻔﺎﻟﻴﺪﻱ 7 ﻓﺎﻟﻌﺎﻡ ﺑﺎﺵ ﺗﺒﻘﺎ ﻟﻴﻚ ﺍﻟﻤﻨﺤﺔ ﻟﻠﻌﺎﻡ ﺟﺎﻳﺔ ﻛﺎﻣﻠﺔ ﻣﺘﻨﻘﺼﺶ ﻟﻚ ..
ﺷﻨﻮ ﺍﻟﺘﺨﺼﺼﺎﺕ ﻟﻲ ﻛﺎﻳﻨﺔ ﻓﻼﻓﺎﻙ ؟
SMPC : Science math physique Chimie ( S.Pc)
SMAI : Science Math appliqué Informatique ( S.math)
BCG : Biologie Chimie Geologie ( SVT )
Économie
Juridique
ﺩﺭﺍﺳﺎﺕ ﺇﺳﻼﻣﻴﺔ
ﺟﻐﺮﺍﻓﻴﺎ
ﺍﻟﺘﺎﺭﻳﺦ
ﻋﻠﻢ ﺍﻟﻨﻔﺲ
ﻋﻠﻢ ﺍﻹﺟﺘﻤﺎﻉ
ﺍﻟﻔﻠﺴﻔﺔ
ﺍﻟﻌﺮﺑﻴﺔ
Études anglaise
Études française
ﺍﻟﺸﻬﺎﺩﺍﺕ ﻓﻼﻓﺎﻙ ؟
Deug : Bac+2ans 
‏( ﺻﺎﻟﺢ ﺩﻓﻊ ﺑﻴﻪ ﻟﻤﺒﺎﺭﻳﺎﺕ ﺍﻟﻤﺪﺍﺭﺱ ‏)
Licence Fondamentale : Bac+3ans
Licence Pro : Bac+4ans
MasterF : Bac+5ans
MasterP : Bac+6ans
Doctorat : Bac+8ans
ﺑﺎﺵ ﺩﻭﺯ ﻣﻦ ﺷﻬﺎﺩﺓ ﻷﺧﺮﻯ ﺧﺎﺳﻚ ﺗﻜﻮﻥ ﻣﻔﺎﻟﻴﺪﻱ ﺟﻤﻴﻊ ﺍﻟﻤﻮﺩﻳﻼﺕ ﻭ ﻏﺎﻟﺒﺎً ﻣﺎ ﻳﺘﻢ ﺃﺧﺬ ﺍﻟﻨﻘﻂ ﺍﻟﻤﺤﺼﻞ ﻋﻠﻴﻬﺎ ﺑﻌﻴﻦ ﺍﻹﻋﺘﺒﺎﺭ
ﻳﻌﻨﻲ ﺇﻟﻰ ﻛﻨﺘﻲ ﻏﺘﻔﺎﻟﻴﺪﻱ ﺍﻟﺴﻮﻣﺴﻄﺮ ﻳﻌﻨﻲ ﺍﻟﺪﻭﺭﺓ ﺏ 10 ﻭﻻ 11 ﻣﻐﺪﻳﺮ ﻟﻴﻚ ﻭﺍﻟﻮﺍ ﻭ ﻣﻐﺎﺩﻳﺮ ﺑﻴﻬﺎ ﻭﺍﻟﻮﺍ ﻣﻠﻲ ﺗﻮﺻﻞ ﺍﻟﻤﺎﺳﺘﺮ ﻏﺘﺤﺼﻞ ﺧﺎﺱ ﻋﻞ ﺍﻷﻗﻞ ﺗﻜﻮﻥ ﻛﺪﺧﻞ ﺏ + 12/20
ﻭﺍﺵ ﻧﻘﺪﺭ ﻧﺪﻓﻊ ﻟﻴﺰﻳﻜﻮﻝ ﺑﻼﻓﺎﻙ ؟
ﺁﻩ ﻣﻦ ﺣﻘﻚ ﺩﻓﻊ ﻟﻴﻬﻮﻡ ﺏ 
Deug ﻭ Licence 
ﺩﻓﻊ ﻝ :
EMI - EHTP - ENSA - ENSAM - ENCG ...
ﺑﺸﺮﻭﻁ ﻣﻦ ﺑﻴﻨﻬﺎ ﺗﻜﻮﻥ ﻣﻔﺎﻟﻴﺪﻱ ﺑﻨﻘﻂ ﻋﺎﻟﻴﺔ ﻳﻌﻨﻲ ﺍﻟﻤﻮﻧﺴﻴﻮﻥ ﻭ ﻓﻼﻓﺎﻙ ﺑﺎﻟﻀﺒﻂ ﺍﻟﻤﻮﻧﺴﻴﻮﻥ ﻣﺎﺳﺎﻫﻼﺵ ﺧﺎﺳﻚ ﺗﻜﻮﻥ ﻛﺘﺨﺪﻡ ﻧﻴﻴﻴﻴﺖ
ﻧﻈﺮﺓ ﻋﺎﻣﺔ ﻋﻠﻰ ﻻﻓﺎﻙ ؟ !
ﻻﻓﺎﻙ ﺧﺎﺳﻚ ﺗﻜﻮﻥ ﻛﺘﻘﺮﺍ ﻣﻦ ﻧﻴﺘﻚ ﻭ ﻛﺘﻘﺎﺗﻞ ﻭ ﺟﺎﻱ ﻭﻻ ﻏﺪﻳﺮﻫﺎ ﻋﻠﻰ ﺃﺳﺎﺱ ﺗﺨﺪﻡ ﻧﻴﺖ .. ﺍﻟﺴﻮﻣﺴﻄﺮ ﻛﻴﺪﻭﺯ ﻃﺎﻳﺮ ﻭ ﻳﻮﻡ ﺍﻹﻣﺘﺤﺎﻥ ﻳﻌﺰ ﺍﻟﻤﺮﺀ ﺃﻭ ﻳﻬﺎﻥ .. ﻛﻨﻌﺮﻑ ﺑﻨﺎﺕ ﻭ ﺩﺭﺍﺭﻱ ﺩﺍﺭﻭ ﻻﻓﺎﻙ ﻟﻲ ﺃﻛﻴﺪ ﻣﻜﺎﻳﻨﺎﺵ ﻑ ﻣﺪﻳﻨﺘﻬﻮﻡ ﻳﻌﻨﻲ ﻛﻴﻀﻄﺮﻭﺍ ﻳﻤﺸﻴﻮ ﻟﻤﺪﻳﻨﺔ ﺃﺧﺮﻯ ﻭ ﻛﺘﺒﻘﺎ ﻟﻴﻬﻮﻡ ﺍﻟﺤﺮﻳﺔ ﺍﻟﻤﻄﻠﻘﺔ ﻳﺪﻳﺮﻭﺍ ﻟﻴﺒﻐﺎﻭ ﻭﻗﺖ ﻣﺎﺑﻐﺎﻭ ﻣﻜﺎﻳﻨﺶ ﻟﻲ ﻳﻘﻮﻝ ﻟﻴﻚ ﻫﺎﺷﻨﻮ ﺩﻳﺮ ﻫﺎ ﺷﻨﻮ ﻣﺎﺩﻳﺮﺵ ﻛﻴﺒﻘﺎﻭ ﻋﺎﻃﻴﻨﻬﺎ ﻟﻠﻌﺐ ﻭ ﺍﻟﺘﻔﻠﻴﺔ ﻭ ﺍﻟﺪﻭﺭﺍﻥ ﻭ ﺣﻮﺍﻳﺞ ﺃﺧﺮﻯ ﺗﻜﺎﻳﺴﺎﻟﻲ ﺍﻟﻌﺎﻡ ﻛﻴﻠﻘﺎﻭ ﺭﺍﺳﻬﻢ ﻣﺎﺩﺍﺭﻭﺍ ﻭﺍﻟﻮﺍ ﻭ ﻳﺠﻴﻮ ﻳﻘﻮﻟﻮﻟﻴﻚ ﻻﻓﺎﻙ ﻣﺎﻓﻴﻬﺎﺵ ﻗﺮﺍﻳﺔ ﻻ ﺍﺑﻨﺘﻲ ﻻ ﺍﻭﻟﺪﻱ ﻧﺘﺎ ﻣﻜﻨﺘﻴﺶ ﻛﺘﻘﺮﺍ ﻭ ﻣﻘﺪﻳﺘﻴﺶ ﻋﻠﻰ ﺍﻟﻤﺴﺆﻭﻟﻴﺔ ﺍﻳﻪ ﻻﻓﺎﻙ ﺻﻌﻴﺒﺔ ﻣﻲ ﺇﻻ ﻛﻨﺘﻲ ﻛﺘﺨﺪﻡ ﻭ ﻛﺘﺨﻀﺮ ﻟﻠﺪﺭﻭﺱ ﺩﻳﺎﻟﻚ ﻭ ﻛﺘﺨﺪﻡ ﻓﺎﻟﺪﺍﺭ ﻭ ﻛﺘﻮﺟﺪ ﻣﺰﻳﺎﻥ ﺭﺍﻙ ﻣﻐﻀﻴﻌﺶ .. ﻫﺬﺍ ﻣﻮﺿﻮﻉ ﻃﻮﻳﻞ ﻭ ﻟﻌﻨﺪﻭ ﺷﻲ ﺳﺆﺍﻝ ﻳﺨﻠﻴﻪ ﻭ ﻧﺠﺎﻭﺑﻮﺍ
ﺍﻷﺳﺎﺗﺬﺓ ﻓﻼ ﻓﺎﻙ ! ؟
ﻛﺎﻳﻦ ﻟﻲ ﻛﻴﺸﺮﺡ ﻣﺰﻳﺎﻥ ﻛﺎﻳﻦ ﻟﻲ ﻻ ﻭ ﻛﻴﺒﻘﺎ ﻛﻠﺸﻲ ﻋﻠﻴﻚ ﺗﻘﻠﺐ ﻭ ﺗﺒﺤﺚ ﺭﺍﺳﻚ ﺑﺮﺍﺳﻚ ﻣﺘﻌﻮﻟﺶ ﻋﻠﻰ ﺍﻟﺒﺮﻭﻑ ﺣﻴﺖ ﻛﻴﻌﻄﻴﻚ ﻧﻈﺮﺓ ﻋﺎﻣﺔ ﻋﻠﻰ ﺍﻟﺪﺭﺱ ﻭ ﻣﺎﺗﺒﻘﻰ ﻋﻠﻴﻚ ﻭ ﺣﺎﺟﺔ ﺃﺧﺮﻯ ﺃﻧﺖ ﻣﺎﺑﻘﻴﺘﻴﺶ ﺗﻠﻤﻴﺬ ﻭﻟﻴﺘﻲ ﻃﺎﻟﺐ ﻏﺘﻘﻠﺐ ﻋﻠﻰ ﺃﻱ ﺣﺎﺟﺔ ﻧﺎﻗﺼﺎﻙ
ﻣﺸﺎﻛﻞ ﺩ ﻻﻓﺎﻙ ! ؟
ﺍﻟﻤﺸﻜﻞ ﺍﻟﻠﻮﻝ ﻟﻲ ﻣﻄﺮﻭﺡ ﻫﻲ ﺍﻟﻠﻐﺔ ﺇﻟﻰ ﻛﻨﺘﻲ ﻋﻠﻤﻲ ﻏﺘﻘﺮﺍ ﻣﻮﺍﺩﻙ ﺍﻟﻤﺎﻁ ﺍﻟﻔﻴﺰﻳﻚ ﺍﻟﺸﻴﻤﻲ ﺍﻻﻧﻔﻮ ... ﻛﻠﺸﻲ ﺑﻔﺮﻭﻧﺴﻲ ﻳﻌﻨﻲ ﻣﺮﺣﻠﺔ ﺍﻧﺘﻘﺎﻟﻴﺔ ﻭ ﻣﺒﺎﺷﺮﺓ ﻻ ﺳﺒﻘﻴﺔ ﻟﻬﺎ ﺇﻻ ﻣﻜﺎﻧﺶ ﻋﻨﺪﻙ ﻣﻊ ﺍﻟﻔﺮﻭﻧﺴﻲ ﻏﺘﻌﺎﻧﻲ ﺷﻮﻱ ﻭ ﻏﺪﻭﺑﻞ ﻋﻠﻴﻚ ﺍﻟﺨﺪﻣﺔ ﻭﻟﻜﻦ ﻣﻊ ﺍﻟﻮﻟﻒ ﻏﺘﻌﻮﺩ ﻋﻠﻴﻬﺎ ﻭ ﻏﺘﺠﻴﻚ ﺳﺎﻫﻠﺔ .. ﺍﻟﻤﺸﻜﻞ ﺍﻟﺘﺎﻧﻲ ﺍﻟﺰﺭﺑﺔ ؛ ﺧﺎﺳﻚ ﺍﻟﺪﺭﺱ ﻟﻲ ﺩﺭﺗﻴﻪ ﺗﻮﺟﺪﻭ ﻓﻨﻬﺎﺭﻭﺍ ﻣﺘﺨﻠﻴﻬﻮﻣﺶ ﻳﺘﺠﻤﻌﻮ ﻋﻠﻴﻚ ﺣﻴﺖ ﻏﻴﻔﺸﻠﻮﻙ ﺑﺎﻟﻜﺘﺮﺓ ﺩﻳﺎﻟﻬﻢ .. ﻭ ﺯﻳﺪ ﻭ ﺯﻳﺪ
ﻧﺼﺎﺋﺢ ﻭ ﺗﻮﺟﻴﻬﺎﺕ ! ؟
ﺭﺍﺟﻊ ﺍﻟﺪﺭﺱ ﻗﺒﻞ ﻣﺎﺩﻳﺮﻭ ﺑﺎﺵ ﺗﻜﻮﻥ ﻋﻨﺪﻙ ﻓﻜﺮﺓ ﻣﺴﺒﻘﺔ ﻋﻠﻴﻪ
ﺍﻟﺪﺭﺱ ﻟﻲ ﺩﺭﺗﻴﻪ ﺣﻴﺪﻭ ﻓﻨﻬﺎﺭﻭﺍ
ﺣﺎﻭﻝ ﺗﺒﻌﺪ ﻋﻠﻰ ﻟﻴﻐﻴﻠﻬﻴﻚ ﻋﻠﻰ ﻗﺮﺍﻳﺘﻚ ﻭ ﻣﻠﻲ ﺩﺧﻞ ﺍﻻﻣﻔﻲ ﻧﺴﺎ ﺍﻟﻔﺎﻳﺴﺒﻮﻙ ﻭ ﺍﻟﻬﺪﺭﺓ ﻭ ﺍﻟﺘﺸﻮﻳﺶ ﺇﻻ ﺑﻐﻴﺘﻲ ﺩﻓﺮﻭ ﻓﺤﻴﺎﺗﻚ
ﺧﺪﻡ ﻣﻦ ﻧﻴﺘﻚ ﻣﺎﺗﻘﻮﻟﺶ ﻻﻓﺎﻙ ﻣﺎﻓﻴﻬﺎ ﻣﺎﻳﺪﺍﺭ ﻭ ﻟﻲ ﻓﺎﺗﻮﻧﺎ ﻫﺎﻫﻤﺎ ﻋﻨﺪﻫﻢ ﺍﻟﺸﻮﺍﻫﺪ ﻭ ﻣﺨﺪﺍﻣﻴﻨﺶ ﺷﺤﺎﻝ ﻣﻦ ﻭﺍﺣﺪ ﺧﺮﺟﺎﺕ ﻋﻠﻴﻪ ﻫﺎﺩ ﺍﻟﻬﺪﺭﺓ .. ﺧﺎﺳﻚ ﺗﻌﺮﻑ ﻛﻮﻥ ﻛﺎﻧﻮ ﻋﻨﺪﻭ ﻫﺎﺩ ﺍﻟﺸﻮﺍﻫﺪ ﺑﻨﻘﻂ ﺯﻭﻳﻨﺔ ﻣﻜﺎﻧﺶ ﻳﻀﻴﻊ ﻭ ﺧﺴﻚ ﺗﻌﺮﻑ ﺷﺤﺎﻝ ﻣﻦ ﻭﺍﺣﺪ ﻗﺮﺍ ﻓﻼﻓﺎﻙ ﻭ ﺳﻬﺮ ﺍﻟﻠﻴﺎﻟﻲ ﻓﻴﻬﺎ ﻭ ﻋﻠﻴﻬﺎ ﺩﺍﺑﺎ ﻭﻻ ﻑ ﻣﺪﺍﺭﺱ ﻛﺒﺎﺭ ﻭ ﻛﻨﻌﺮﻑ ﻭﻟﺪ ﺩﺍﺑﺎ ﻛﻴﻘﺮﺍ ﻑ ﻣﺪﺭﺳﺔ ﺍﻟﻤﻬﻨﺪﺳﻴﻦ ﺑﺎﻟﻤﺤﻤﺪﻳﺔ ﺍﻳﻪ ﺍﺳﻴﺪﻱ ﻛﻠﺸﻲ ﻣﻤﻜﻦ ﻏﻴﺮ ﺧﺪﻡ ﻣﻦ ﻧﻴﺘﻚ ﻭ ﺗﻮﻛﻞ ﻋﻠﻰ ﺍﻟﻠﻪ ﻭﻣﺘﻔﻘﺪﺵ ﺍﻻﻣﻞ .. ﺣﻴﺖ ﻛﺎﻳﻦ ﻟﻲ ﻭﺍﺧﺬ ﺍﻟﺒﺎﻙ ﺏ 16 15 ﻭﺑﻘﺎﺗﻠﻴﻪ ﻻﻓﺎﻙ ﻭ ﻣﻜﻴﺮﺿﺎﺵ ﺑﻴﻬﺎ ﻻ ﻧﺴﺎ ﻭ ﺑﺪﺍ ﻣﻦ ﺍﻟﻠﻮﻝ ﻭ ﺗﻘﺎﺗﻞ ﺭﺑﻲ