Bhra 9rit had fikra galt n partagiha m3akom
السلام عليكم
من بعد بزاف د الإخوان سولوني عل هاد القضية ديال ليميت ديال 10000 درهم ف العام
و قضية الحصول عل بزاف د بطاقات دولية لي كولا وحدة كتوفر ليك 10000 درهم بوحداها فالعام
كاين ليبغا ادوز كتر من 10000 درهم.
اوكي هادا مشكل ليه الحل .
طريقة الحصول عل بزاف د البطاقات بلا متفتح حسابات ف كولا بنك .
الطريقة لي انا شخصيا مجربها هي ف ...Compte Code 30 Cih
انا نشرح ليكوم باش تفهموا
نفترضو نتايا عندك حساب ف بنك.. Compte Code 30 Cih
كاتاخد بطاقة وحدة بسميتك شخصيا عندك فيها الحق ف 10000 ده ف العام
ملي كتفوهتا هنايا راك زهقتي ب كارت وحدا
الحل هوا تمشي ل نفس البنك و تدي معاك صاحبك العزيز لي تايق فيك ولا خيك و لا الاخت ديالك
مهم نحاول نوصل ليكم الفكرة هنايا كتمسي عندوم لا بنك تتقوليهوم انا جايد هاد السيد ولا هاد السيدة بغيتكوم تعطيوني بها كارت ECHIPING بلا ماتحلو ليه كومت .... ولا شي حاجة لاحقاش المراد ديالك نتايا هو الحصول عل كارت لي تخول ليك 10000 درهم فلاعام . بعض المرات تايبغي داك خاينا ليكاين تما إزرب عليك ب ديك الهدرة ديال لا خاصك تحل ليه كومت كود 30 ولا لا را مزيرين فهاد القاضية .
هاددشي كامل ياقولو ليك باش هو إشد كليان جديد و علاش لا مايديش كوميسيون ديالووا مع البنكا .
الموهيم نتا قوليه بلي بغيت بطاقة ECHIPING بسميت هاد السيد بلا ماتفتح ليه كومت .
من بعد ملي كاتخرج هاد البطاقة ف اجل ماكايتعداش 4 ايام
كتمشي مع داك السيد صاحبك لبانكا باش إعطيوها ليها ديك ساعا نتا كاتمشي تفيرسي فلوس ف الكومت ديالك شخصيا ف Cih و كتقول داك خينا لي خدام ف البانكا حول ليا مبلغ X من الحساب ديالي ل هاد البطاقة لي بسميت داك صاحبك . طبعا من بعد ما هوا تايربط ليك دي البطاقة ديال صاحبك بالحساب ديالك
هنايا كتولي بطاقة صالحة ل اي غرض . لاناها بطاقة ماستر كارد دولية و هانتيا حصلتي عل 10000 درهم
حاجة اخرا نسيتها هاد البطادة يتقطعو فيها 66 درهم صافي تمن ديالها
اسف عل الموضوع كبير ولكن بغيت نبصط باش إستافد كولشي
إمكن ليك تدي عائلتك كاملا تاخد بها هاد البطاقة .
هاكدا انا شديت 8 د البطاقات و كنتسانا 2 اخرين هاد السيمانا
ليست هناك تعليقات:
إرسال تعليق